Delegasyonê Mîyanneteweyî zîyaret kerd

• Heyetê Delagasyonê Mîyanneteweyî yê Meseleya Kurdan rê Çareserî û Vera Tecrîdî çalakîya Nobeta Edaletî zîyaret kerd.

Serekê PKKyî Abdullah Ocalanî ra 35 aşmî yo xebere nîna girewtene. Heyetê Delegasyonê Mîyanneteweyî yê Meseleya Kurdan rê Çareserî û Vera Tecrîdî 2 rojî yo Îstanbûl de sazî û partîyan de pêvînayîşan keno. Vîzêrî ra nata hetê heyetî ra Buroya Hiqûqî ya Seserre, ÎHD û DEM Partî rê zîyaretî ameyê kerdene. Ewro zî hetê heyetî ra Nobeta Edaletî rê zîyaret ame kerdene.
 
Waştişî ameyê qiseykerdene
Beşdaranê çalakî derheqê waştişanê çalakîye de malumatî pare kerdê. Înan dîyar kerd ke waştişê înan wedartişê tecrîdî û azadîya fizîkî ya Serekê PKKyî Abdullah Ocalanî yê. Înan dîyar kerd ke çalakîya înan do heta netîcegirewtişî dewam bikera. Derheqê rewşa tepişteyan de zî malumatî ameyê parekerdene.
Endamanê heyetî çalakîya Nobeta Edaletî selam kerd û înan dîyar kerd ke ê do tim paştî bidê nê xoverdayîşî. MA / ÎSTANBÛL