FERÎT DEMÎREL / BÎANET

Kongreya 11ine ya PENa Kurde do 9ê Temûze de Almanya Olderburg bêra viraştene. Almanya vîze nêda endamanê PENa Kurde.

Almanya vîze nêda endamanê PENa Kurde. Kurdistanê Bakur û Başûrî ra tena 3 endaman vîze girewta. PENa Kurde derheqê rewşe de malûmatêk dayo.

Sebebê Polîtîkî

Malûmatê xo de PENa Kurde va, “Astengkerdişê beşdarîya endamanê ma îxlalê heqê merdiman û hiqûqê mîyannetewîyî yo. Ma kerdena înan şermezar kenê. Ganî dezge û sazgehê Kurdan vera ney vengê xo berz bikerê. Ganî hêzê demokratî hêze bidê PENa Kurde. 

‘Ma mektube nuşte la cewab nêame’

Serekê Rûmetî yê PENa Kurde Dr. Zerdeşt Hacoyî va, “Wexto ke vîzeyî nêdîyayê endamanê ma, ma Wezaretîya Karanê Teberî yê Almanya rê mektubêk nuşte la înan cewabêk nêda ma. Ez şik kena ke qerar sîyasî yo. Ma sebebanê sîyasîyan ver nêeşkayê emser kongreya xo Bakurê Kurdistanî de bivirazê. Verê cû ma kongreyê xo viraştê la serranê peyênan de rojnamegerî û nuştoxî yenê girewtene. Coka ma nêşkenê Kurdistanê Bakurî de xebatanê xo bikerê. Endamê ma yê ke vîze nêdîyaya ci do bi Zoomî beşdarê kongreye bibê la do nêeşkîyê raye bide.