Osmano ke 30 serran ra dima vera dîya rê bêqanûnîye virazîyena

Abulmenaf Osmano ke 30 serran ra dima vera dîya Manîsa de ame destbenkerdene. Goreyê qanûnê 6458î yê Pawitişê Xerîban no kerdişê dewleta tirke qanûnî nîyo.

Osman seba ke şaristanê Hesekê yê Rojawanê Kurdistanî ra yo leşkeran o berd Merkezê Apeyerşawitişî yê Manîsa. Osman pereyî ra nata qereqolê cendirmeyan ê Akhîsarî de yo û do bêro berdene bi Fermandarîya Manîsa.

Avûkatê ey Halîl Coşkunî qereqol de Osmanî reyde pêvînayîş kerd. Coşkunî pare kerd ke Osman nika bi hawayêkê fîîlî destbendkerde yo û vat: “Goreyê qanûnê 6458î yê Pawitişê Xerîban o lîsteya teberkerdişê sînorî de nîyo. La reyna zî Mudirîya Koçberîye ya Manîsa do ey sînorî ra teber bikera.”

Coşkunî îfade kerd ke muwekîlê ey  bi hawayêkê fîlî destbendkerde yo û vat: “No kerdişêko îlegal o. Ma wazenê ke qanûnê 6458î bêro esaskerdene. Seba ke muwekîlê mi şoro welatêkê hîrêyînî ganî muhletêk bêro dayene ci. Ganî pasaport û nasnameyê ey bêrê vetene û o bi rizaya xo şoro. Eke o teslîmê rejîmê Sûrîye bêro kerdene asayîşê ci do nêmano.”

XWEBÛN