Arjen Arî mezela xo ser de ame yadkerdene

Şaîro Kurd Arjen Arî, serrgêra wefatê xo de mezela xo ser de ame yadkerdene.

Şaîro Kurd Arjen Arî, serrgêra wefatê xo de Amed de mezela xo ser de ame yadkerdene. Heskerdoxê şaîrî, Hemsereka DBPyî ya Amedî Sultan Yaraye, Hemserekê PENa Kurde Omer Fîdan û Hemsereka Komeleya Edebîyatkaranê Kurdan Fatma Taşli Tunçe zî bîyê beşdarê yadkerdişî. Qerenfîlî erzîyayê mezele şaîrî ser û findî ameyê tavistene.

Mezela Arjen Arîyî ser de Hemsereka DBPyî ya Amedî Sultan Yaraye qisey kerd û va, “Arjen Arî bi fizîkî mîyanê ma de nîyo la do bi ruhê xo û şîîranê xo mîyanê ma de biciwîyo. Ma ey bi hurmetî yad kenê. Heta ke xoverdayoxê nê ziwanî bibê, no ziwan do timûtim biciwîyo. Ziwanê Kurdkî ser o çiqas tedayî benê wa bibê, saya şerwananê ziwanî do alaya nê ziwanî do tim bêra berzkerdene û no ziwan do timûtim payra bimano.”

MA / AMED