39 serrî verî cû ma ra xatir waşt

Şaîr û nuştoxê Kurdan o pîl Cegerxwîn, 39 serrî verî cû ma ra xatir waşt.

Westayanê edebîyayê Kurdkî ra şaîr û nuştox Cegerxwîn, 39 serrî verî cû ma ra watir waşt. Nameyê xo yo eslî Şêhmûs o û 1903yî de qezaya Êlihî ya Kercewsî de, nahîyeya Hesarê de ameyo dinya. Şerê cîhanî yo yewin ke dest pêkeno, keyeyê ci verê xo dano binxetî û şinê Amûde. Cegerxwinî uca de şiwanetî û rencberî kerde.

18 serrîya xo de verê xo da hetê Amedî û tîya de perwerdeyê medrese girewt û klasîkê Kurdkî û yê dinya şinasnayê. Serewedartişê Şêx Seîdî ra dima, verî cû şi Rewanduz, uca ra şi Bexdat û dima reyna agêra Amûdê.

Xoverdayîşê azadîye

Cegerxwînî 1928î de dest bi nuştişê şîîranê Kurdkî kerd. Şîîrê ci kovara Hawarî de weşanîyayê û nameyê xo zî bedilna kerd Cegerxwîn. Derheqê vurînayîşê nameyê xo de va, “Ez zî sey şarê xo dirbetin a. Zerra mi dirbetin a. Cegerê mi gonîn o. Coka nameyê mi zî cegerê xo dirbetin Cegerxwîn o.”

Mîyanê rêxistinê Xoybûnî de ca grewt. 1946î de şi Qamişlo û xebatê xo yê sîyasîyî tîya de ramitê. Rayberîya hereketê Meclîsê Azadî û Yewîtîya Kurdan kerd. 1948î de bi endamê Partîya Komunîst a Sûrîyeyî. 1957î de Partîya Komunîst a Sûrîyeyî ra bi cîya û bi beşdarê Partîya Demokrat a Kurdistanî ya Sûrîyeyî. Cegerxwînî reya verêne Zaningehê Bexdatî de dersê Kurdkî dayê. Ey xeylê wendekarî rasnayê. 

1963yî de xebatanê xo yê sîyasîyan ver Şam de ame girewtene. Verdayîşê x ora dima şi Başûr, uca ra şi Lubnan û dima zî şi Stokholm û 22yê Teşrîna Verêne 1984î de zî Stokholm de cuya xo vîndî kerde.

Berhemê ci

Cegerxwînî, bi berhemanê xo yê “Agir û Pirûsk” (1945), “Sewra Azadî” (1954), “Kî me Ez” (1973), “Ronak” (1980), “Zend-Avista” (1981), “Şefeq” (1982), “Hêvî” (1983), “Aşit’i”, “Salar û Mîdya” û “Şerefnama Menzûm”î û bi hîkayeyan û cigêrayîşanê xo edebîyatê Kurdkî rê mîrasêko pîl verda. 

MERKEZÊ XEBERAN