Şaîro Kurd Cegerxwîn, serrgêra wefatê xo de Qamişlo de mezela xo ser de ame yadkerdene.
Westayanê edebîyatê Kurdî ra şaîr û nuştoş Cegerxwîn, serrgêra wefatê xo de Qamişlo de mezela xo ser de ame yadkerdene. Mintiqaya Cizîrî ra xeylê nuştox, şaîr, rojnameger û roşnvîrî mezela ey ser de ameyê têhet. Endamê Yewîtîya Roşnvîranê Kurdanê Mintiqaya Cizîrî, Yewîtîya Nuştoşanê Kurdanê Sûrîyeyî, Sazîya Kulturî ya Mintiqaya Cizîrî, TEV-ÇAND, Dîwanê Edebîyatî yê Bakur û Rojhelatê Sûrîyeyî û Yewîtîya Pêroyî ya Rojnamegeran zî bîyê beşdarê merasîmê yadkerdişî.
Endamê Yewîtîya Kulturî ya Mintiqaya Cizîrî Xalis Mesorî va, “Cegerxwîn estareyê ma yo çirûşkîyaye bi. Cegerxwînî pêro emrê xo da şarê Kurdî û do timûtim cuya ma de biciwîyo. Ey timûtim bi şîîranê xo moral da şarê xo. Ey seba şarê xo xeylê berhemî dayê.”
Merasîmî de mesajê keyeyê Cegerxwînî zî ame wendene. Mesaj hetê Mudirê Yewîtîya Nuştox û Rojnemegeranê Kurdan ê Sûrîyeyî Behrîn Oseyî ra ame wendene û Oseyî va, “Ma pêro beşdaranê merasîmî rê sipas kenê. No proseso zehmet de ma dormaleyê mezela Cegerxwînî de ameyê pêser û no seba ma rûmetêk o.”
MERKEZÊ XEBERAN
parvê bike
Nûçeyên ku dikare bala we bikşîne
