Girewteyan 88 rojî yo dewam kena

• Çalakîya ke bi waştişê ‘Abdullah Ocalanî rê azadî, meseleya Kurdan rê çareserî’ yena kerdene 88 rojê xo qedînayê.

Çalakîya grevê vêşanîya ke bi waştişê azadîya fizîkî ya Serekê PKKyî Adullah Ocalanî yena kerdene 88 rojê xo qedînayê. Çalakîya ke hepisxaneyanê Tirkîya û Kurdistanî de hetê girewteyanê sîyasîyan ra yena kerdene dewam kena. Abdullah Ocalan û 3 girewteyanê bînan ra 35 aşmî yo xebere nîna girewtene.
Seba ke tecrîdê Îmraliyî bêro wedartene û azadîya fizîkî ya Ocalanî bêra awankerdene 10ê Teşrîna Verêne de 74 merkezî de kampanyaya ‘Abdullah Ocalanî rê azadî, meseleya Kurdan rê çareserî’ dîyaybî dest pêkerdene.
Kampanya bi çalakîyan dewam kena. Hetê girewteyanê sîyasîyan ra 27ê Teşrîna Peyêne de çalakîya grevê vêşanîye dîyaye dest pêkerdene. MA