‘Hema zî têrîameyîşî ra remenê’

sêşem 26 nîsanê 2022 - 08:58

Kongreya Awankerdişî ya Dêrsimî derheqê serrgêra Terteleyê Ermenîyan de malûmatêk weşana.

Kongreya Awankerdişî ya Dêrsimî serrgêra 107ine ya Terteleyê Ermenîyan de malûmatêk weşana. Kongre malûmatê xo de va, “Esrêk ra zêder wext vîyerto la dewlete hema zî têrîameyîşî ra remena. Ma semedê Ermenîyan, Suryanîyan, Keldanîyan û Ruman edelet wazenê. Dewlete va her kes Tirk o û xususen Kurdan ser o zulmê xo varna. Kurdan û Elewîyan vera nê polîtîkayan xo ver da la netîce de ê qetlîamî ra vîyartê. Ganî dewlete hesabê terteleyanê Ermenîyan, Elewîyan, Kurdan û miletanê bînan bida. Eke têrîameyîşêk nêbo na komele de çîyêk safî nêbeno. Ma ganî zor bidê rejîmî ke gaman bierzo. Kongreya ma zî derheqê nê meseleyan de xebitîyena. Ma dejanê Ermenîyan zerrîyanê xo de hîs kenê.”

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.