Hêrişa Tirkîya de 2 pêşmergeyî merdê

• Hêrişa Tirkîya ya Akreyî de 2 pêşmergeyan cuya xo vîndî kerde.

Hêrişê hewayî yê ke hetê Tirkîya ra vera Mintiqaya Kurdistanî benê dewam kenê. Goreyê xebera Rojnewsî, vîzêr şan dewa Kafiya ya Akreyî hetê Tirkîya ra ameye bombakerdene. Bombardimanî ver bi nameyê Arif Taha (61) û Beşîr Omer Elî (68) 2 pêşmergeyî merdê. Goreyê malumatan verê înan de 2 kesê bînî zî bîyê la înan ra xebere nêameya girewtene.
 
Ameyo dîyarkerdiş ke pêşmengeyan baxçeyê xo de xebitîyayêne. 2015î ra nata hetê Tirkîya ra 152 sivîlî ameyê qetilkerdiş û 128 sivîlî zî nê hêrişan ver birîndar bîyê.
 
Derheqê nê qetlîamî de hetê PDKyî ra eşkerayîyêke nêameya kerdene. MA