Hrant Dînk verê keyeyo ke tede ameyo dinya de ame yadkerdene

Hrant Dînk, Meletî de verê keyeyo ke tede ameyo dinya de ame yadkerdene. Yadkerdişî de ame waştiş ke, wa komîsyonê heqîqetan bêro ronayene.

Derhênerê Weşana Peroyî yê Rojnameyê Agosî Hrant Dînk, 19ê Çeleyî 2007î de Îstanbûl de ame qetilkerdiş. Dînk, Meletî de verê keyeyo ke tede ameyo dinya de ame yadkerdene. Yadkerdişî de îdarekarê HDP, CHP, EMEP, ESP, KESK, ÎHD, PSAKD û Platformê Demorasîyî yê Meletî ameyê têhet. 

‘Faîlî nêvejîyayê meydan’

Serekê Komeleya Kulturî ya Pîr Sultan Abdalî ya Orenî Mûsa Koseyî va, “Hrant Dînk, fikranê xo ver, nasnameyê xo ver sîstemî rê sey tectîdî ame dîyayene. Seba ke verê tehtîdan neame girewtiş, Hrant Dînk ame qetilkerdiş. Qetilbîyayîşê ey ser ra 16 serrî vîyertê la hema zî faîlê ci nêvejîyayê meydan. Derheqê dewa de cigêrayîşo cidî nîno kerdene û politikaya bêcezaverdayîşî yena ramitene.”

Gazîya komîsyonê heqîqetan

Koseyî va, “Ma gazîye kenê ke, ganî komîsyonê heqîqetan bêro ronayene. La ma vînenê ke, nîyetê îqtîdarî û cesaretê ci çin o ke komîsyonêk rono. Heta ke têrîameyîşêko raştikên bibo, ma do sey pawitoxanê heqanê merdiman xoverdayîşê xo biramnê.

MA / MELETÎ