Mersîn de qezayêk nêqewimîya...

• Tîmanê Cewabdayîşî yê Şehîd Mazlûm Jîyandayî yê YPSyî eşkera kerd ke netîceya çalakîya înan de otobusê leşkeran qezaya Mûtî ya Mersinî de qelibîya û vat AKP-MHP bi nameyê qezayan xeberanê zûran dano.

Tîmanê Cewabdayîşî yê YPSyî Şehîd Mazlûm Jîyandayî da zanayene ke çarçewa hamleya vera kolonyalîstan û ajanan de Mersîn de pê teknîkê taybetî hêzanê înan vera leşkeran çalakîyêke kerde.

Eşkerayîya YPSyî wina ya:

''27ê temmuza 2020î de tîmanê ma yê cewabdayîşî qezaya Mutî ya Mersînî de vera otobusêkê fîrmaya Alaşehîr Sarikiz Turîzmî yo ke tede leşkerî estbî çalakîyêke kerde. Netîceya çalakîye de tewr tay 6 leşkerî merdî û 15ê ci bi giranî tewr tay 30 leşkerî birîndar bîyî.

AKP-MHP pê zûran xeberan servîs kenê. Medyaya şerê taybetî eşkerayîyê nakokîyî dayî. Selahîyetdaranê dewleta tirke û Hulusî Akarî pê vatişê 'fîrenî veng bîyî' dehaya xo ya leşkerîye daye qiseykerdene.

Ma na çalakîye seba vîrameyîşê Mazlûm Jîyandayî kerde ke 1ê êlula 2009î de Herêmanê Pawitişî yê Medya de hêrişê hewayî yê artêşa tirke de şehîd bi.''

ANF