‘Mi xoverdayîşê xo yê birûmetî ra fek ranêverda’

• HDP semedê Aysel Tuglûke vîdeoyêk hedre kerd. Vîdeo medyaya sosyale ya Hdpyî ser ra ame parekerdiş.

HDP semedê Aysel Tuglûke vîdeoyêk hedre kerd. Vîdeo medyaya sosyale ya Hdpyî ser ra ame parekerdiş.

HDP seba ke bale bianca serê rewşa sihetî yê Aysel Tuglûke vîdeoyêk hedre kerd. Heyetê sihetî vatibi ganî hepis de memana la Aysel Tuglûke hema zî hepis de ya. 

‘Ez mîyanê şerî de bîya pîle’

Vîdeo bi vateyanê Tuglûke ame vengdayene. Îfadeyê ke video de ca genê nê yê: “Ez mîyanê şerî de maya xo ra bîya û bîya pîle. Hema ez çin bîya hîkayeya mi de, para mi xoverrodayîş kewtibi. Ma zaf çîyî dîyê. Ez 14 serrî bîya birayê mi hepis de ame qetilkerdiş. Mi timûtim dejê birayê xo zerra xo de kirişt. Dima cuya mi de qetlîamî, zulmî, îşkenceyî kêm nêbîyê. La ez qet nêvinderta û xoverdayîşê şarî de ez tim vêrnî de bîya. Mi xoverdayîşê xo yê birûmetî ra fek ranêverda. Ez Aysel Tuglûke, sîyasetmedara cinîya Kurde. Mi waşt ez qederê cinîyanê Kurdan bibedilnî û mi xo da wareyê hiquqî. Badê ez kewta mîyanê sîyasetî la mi xeylê tenganîyî antê. 2016î de ez kewta hepis. Dima rojêka payîzî maya mi çimanê mi ra bi hêsîran varaye. Mi hema dejê aye nêantibî, cinazeya ci rê barbarîyêk ame kerdene. Maya mi sey dadîyanê Kurdan mîyanê dejan de pay ra mendibî. Ez wazena ê hele xirabî hişê mi ra bivejîyê.”

Heyetê sihetî bi goreyê raporêk vato, Aysel Tuglûke nêweş a û ganî hepis ra bivejîya la kes goş nêfîneno pa û a hema zî hepis de ya.

MERKEZÊ XEBERAN