Nêverdenê Esmer Tunçe şêra dewa xo

Hetê walîtîye ra ame qedexekerdiş ke dayîya Hemserekê Meclîsa Şarî ya Cizîrî Mehmet Tunçî Esmer Tunçe şêra dewa xo.

Şarê dewanê Şirnexî hema zî bi destûr eşkenê şorê dewanê xo. Bi îlankerdişê qedexeyan hema zî şar nêşkeno şoro dewan. Dadîya Hemserekê Meclîsa Şarî ya Cizîrî Mehmet Tunçî Esmer Tunçe 20 serrî yo ke bi ‘destûr’ şona dewa xo û emser zî qedexeyan ver nêşkaya şora dewa xo. 

Esmer Tunçe va, “Xora 20 serrî yo ke ez bi destûrgirewtişî şona dewe. La emser dewe mi rê ameye qedexekerdiş. Şar dewe de heywan weye keno, rence keno. Her wisar ez bi destûr şîyêne dewe. La ya roje seba ke ez şorî dewe, mi va ez destûr bigerî, eskeran GBT kerd û va sîcîlê to de vano qedexeyê ci esto ke bikewa dewe. Seba ke ez beşdarê Newroza 2002yî bibîya, mehneyan ra gêrabî û ceza daybî mi.”

Waşt wa qedexe bêro wedartiş

Tunçe waşt wa qedexe bêro wedartiş û va, “Heywanê mi, baxçeyê mi dewe de yê la reyna zî vanê qedexe yo. Eskeran va ma narey verdenê la reyna ma nêverdenê. Ez do bikewa heqê xo dima û ez do fek ranêverda. Ez wazena wa no qedexe wedarîyo. Ez ney qebul nêkena.”

MA / ŞIRNEX