Polîsan eşt bînaya KCDyî ser, xeylêk kesî dest bend kerdî 

• Operasyonê qirkerdişê sîyasîyî dewam kenê. Polîsan Amed de eşt bînaya KCDyî ser û sereştişanê keyeyan de zî xeylêk kesî dest bend kerdî.

Amed serê sibayî polîsan eşt bînaya Kayapinarî ya Kongreya Komelê Demokratîkî (KCD), weşanxaneyê J&Jyî û xeylêk keyeyan ser.

Sereştişan de Endamê Dîwanê Hemserekîye yê KCDyî Jîyan Taş û Huseyîn Kaya, îdarekaranê Komeleya Cinîyan a Rosa ra Rojda Bariş, Hemşaredara Farqînî Naşîde Topraka e wezîfe ra amebî girewtene û hepsê keyeyî de bîye, Îdarekara MEBYA-DERî Yildize Damla, Endama Meclîsê DBPyî Leyla Bagatir, Sendîkaya Kedkaranê Buroyî (BES) ra Suphî Îzol zî tede xeylêk kesê bînî ameyî destbendkerdene.

Polîsanê ke serê sibayî saete 04:00 de eşt bînaya KCDyî ser,  dest na xeylêk kitaban û tabelayan ser.

Weşanxaneyê J&Jyî de û bînaya KCDyî de cigêrayîşê polîsan dewam keno.

ANF