MKM do serrgêra xo ya 32yine bi konserêk pîroz bikero

MKM do bi wesîleya serrgêra xo ya 32yine bi şîarê “Ameyoxo azad, hunero azad” konserêk organîze bikero.

Merkezê Kulturî yê Mezopotamyayî (MKM) do bi wesîleya serrgêra xo ya 32yine bi şîarê “Ameyoxo azad, hunero azad” konserêk organîze bikero. Konser do 16ê Kanûne de Merkezê Kulturî yê Yahya Kemal Beyatliyî yê Kuçukçekmeceyî de saete 18.00 de dest pêbikero.

Konser de do koroya MKMyî û hunermendî Yelda Abbasî, Elî Dogan Gonultaş û Dengbêj Kazo vejîyê sehneyî ser. MKMyî hesabanê xo ser ra her kes silayna konserî. Gazîya MKMyî de ame vatene ke, “Komel û henerî ser de tedayî yenê ramitene. Ma do bi hunerê şorişgerî cewab bidê nê hêrişan. Ma do serrgêra xo ya 32yine de bi şîarê “Ameyoxo azad, hunero azad” konserê xo bidê. Ma pêro şarê xo rê gazîye kenê; ma pêro pîya seba azadîye vengê xo berz bikerê.”

MA / ÎSTANBÛL