Roja Nuştoxanê Hepsîyan: Ma ganî vera kîmyewîyan de vinderê
sêşem 15 teşrînê 2022 - 08:20
- Nuştox Firat Canî derheqê kîmyewîyan de va, “Ma nuştox û roşnvîrê Kurdî ganî vera sûcanê merdimîye de vinderê.”
Komeleya Nuştoxanê Kurdan û Pena Kurd bi wesîleya 15ê Teşrîna Peyêne Roja Nuştoxanê Hepsîyan, bi sernameyê ‘Edebîyat û Zindan’î panelêk viraşt. Panel Komeleya Nuştoxanê Kurdan de ame viraştene û xeylê nuştox û welatîyî bîyê beşdar. Moderatorîya panelî hetê Salîha Ayata ra ameye kerdene û panelîstî zî Firat Can û Feysel Ozdemîr bî.
‘Hepisxaneyî warê xeliqnayîşî yê’
Moderatore Salîha Ayata va, “Hepisxaneyî tena seba Kurdan ney, seba pêro edebîyatê dinyaye bîyê warê xeliqnayîşî. Hepisxaneyî seba xeylê şaran bîyê cayê xoverdayîşî. Xoverdayîşê Kurdan de zî hepisxaneyî warê bingeyin ê. Xeylê nuştoxê Kurdî, nuşteyanê xo ver kewtê hepis. Coka hepisxaneyî bîyê warê xeliqnayîşî.”
Feysel Ozdemîrî va, “Nuştoxanê muqtedîran timûtim seba îqtîdaran nuşto. Nuştoxanê şarî zî seba şarî nuşto. La kes nuştoxanê muqtedîran nêşinasneno.”
Kîmyewîyî ameyê şermezarkerdiş
Panelîst Firat Canî qiseykerdişê xo de va, “Ganî nuştox û roşnvîrê Kurdan vera gurînayîşê kîmyewîyan de vinderê. Nê sûcê merdimîye ganî bêrê şermezarkerdiş. Wexto ke Kurdan rê hêrîşî benê, pêro dinya bêveng manena. Seba nuştişî hepisxaneyan de zaf îmkanî çin ê la hepisxaneyî warê heliqnayîşî yê.”
MA / AMED