Xelata Edebîyatî ya Nobelî dîyaye nuştoxa cinîye ya Fransize

Xelata Edebîyatî ya Nobelî ya emserî dîyaye nuştoxa Fransize Annie Ernauxe.

Hesabê Twitterî yê Xelata Edebîyatî ya Nobelî de ame dîyarkerdiş ke, “Seba ke kokê hafizayê şexsîyî, xerîbbîyayîşanê înan û binpaykerdişanê kolektîfan bi çêrîye veta meydan, Xelata Edebîyatî ya Nobelî dîyaya Annie Ernauxe.”

Malûmatî de ame vatiş ke, “Nuştoxa Fransize Annie Arnaux a ke Xelate girewta, 1940î de Normandîya de ameya dinya. Rayîrê nuştoxîya aye derg û zehmetin bi. Annie Ernauxe xebatanê xo de tawîz nêdayo û ziwanêko sade gurînayo. Hisê nimitikî bi çêrîye û bi serkewtiş hetê aye ra ameyê îfadekerdiş.”

Nuştoxe Annie Ernauxe eskerî kitabê otobîyogarafîkî nuştê û berhemanê aye de girêdayîyê sosyolojîyî yê xurtî estê.

NAVENDA NÛÇEYAN