Tirkîya 23yê Kanûne ra nata hêrişê Rojavayî kena

• Serekkomaro AKPyij Tayyîp Erdoganî şarê Mintiqaya Kurdistanî û Bakur û Rojhelatê Sûrîyeyî tehtîd kerd.

Serekkomar Tayyîp Erdoganî kombîyayîşê kabîne ra dima qisey kerd û Mintiqaya Kurdistanî rê sînyalê operasyonê neweyî da û dîyar kerd ke ê do binawanîya Bakur û Rojhelatê Sûrîyeyî bomba bikerê.
 
Bi bombakerdişê binawanîye tehtîd kerd
Erdoganî dîyar kerd ke ê do Bakur û Rojhelatê Sûrîyeyî de binawanîye hedef bigerê û va, “Tirkîya çi beno wa bibo do nêverda sînoranê ci yê başûrî de ‘terorîstan’ bêro awankerdene. Ma do sereyanê endamanê endamanê terorî bipelixnê û ma do binawanîya nê cayan îmha bikerê.”
Tirkîya 23yê Kanûne ra nata bajaranê Bakur û Rojhelatê Sûrîyeyî rê hêrişan kena. Muqaveleyê Cenevreyî yê NYyî, Statuya Romayî ya NYyî û Mehkemeya Ceza ya Mîyanneteweyî dîyar kenê ke tehtîdê vera sivîlan û hêrişê ke înan rê benê sey vera merdimîye sûcêk yenê erjnayene. 
Ambargoya Tirkîya ya ke vera Bakur û Rojhelatê Sûrîyeyî yena ramitene dewam kena. Kanûna 2023yî ra nata sîloyê zadî, fabrîkayî, nêweşxaneyî, santrale ceyranî ameyê bombakerdiş. Ambargo û xirabbîyayîşê binawanîye ver talukeyê vêşanîye peyda bi.
Rêxistinanê sey HRWyî û rapor kerd ke bi mîlyonan kesî hêrişan ra tesîrdar bîyê. Hetê NYyî ra 2019î de amebi qebûlkerdiş ke şarî vêşanverdayîş sûcê şerî yo. YENÎ YAŞAM