Vera tecrîdî nobeta edaletî dîyaye dest pêkerdene

Hetê TUAY-DER û Çukurova TUHAY-DERî ra vera tecrîdî Amed de nobeta edaletî dîyaye dest pêkerdene.

Grevê vêşanîye ke bi waştişê wedarnayîşê tecrîdî û azadîya fizîkîya Serekê PKKyî Abdullah Ocalanî hetê girewtîyanê sîyasîyan ra yeno girewtene 8 rojî yo dewam keno. Hetê TUAY-DER û Çukurova TUHAY-DERî ra vera tecrîdî nobeta edaletî dîyaye dest pêkerdene. 

Derheqê nobete de Şaxa TUAD-DERî ya Amedî de eşkerayîye ameye kerdene. Îdarekarê partî û sazîyan bîyê beşdarê eşkerayîye.

Hemserekê MED TUHAD-FEDî Kerem Canpolatî va, “Girewteyanê sîyasîyan seba ke vera tecrîdî tebera hîna zêde veng bêro benzkerdene kewtê grevê vêşanîye. Ma zî wazenê bi nobeta xo bibê vengê girewteyan. Ma wazenê wa raya pêroyîye na mesele de xesas têbigêra û greve vêşanîye ke hîna nêrasayo merheleya krîtîke wa vengê girewteyan bêro eşnawitene.”

Canpolatî dewamê qiseykerdişê xo de va, “Tecrîdî ver vernîya zaf çîyan ameya girewtene. Seba çareserîyan ganî Abdullah Ocalan keye û awiqatanê xo reyde pêvînayîşan bikero. Vateyê Birêz Abdullah Ocalanî raya pêroyîye rê qiymetin ê. Ganî tecrîd bêro wedartene. Ma do partî û sazîyanê xo reyde bi qasê 3 rojan nobete bigerê.”

Şaxanê Çukurova TUHAY-DERî yê Edene û Mersînî de zî vera tecrîdî nobeta edaletî dîyaye dest pêkerdene. 

MA / AMED