Ahmet Turk: Ocalan, seba haştîya Rojhelatê Mîyanênî adresa çareserîye yo

• Perrê Rayîrşîyayîşê Azadîye yê Wanî rasa Nisêbîn û şar bicoş ame vera raywanan.

Rayraşîyayîşê Azadîye 8 rojî yo dewam keno. Perrê Wanî rasa Nisêbîn û şar bi meşale û vilikan ame vera înan. Parka Haştîye de şar ame pêser û tîya de qiseykerdişî ameyê kerdene. 
 
‘Ocalan aqilê haştîye yo’
Ahmet Turkî tîya de qisey kerd û va, “Dewlete vera Kurdan polîtîkayanê teda û şerî ramnena. Ma ewro qelaya xoverdayîşî Nisebîn de yê. Ma şima rê zaf sipas kenê. Kurdî bi serran ra nata seba azadîya xo xo ver danê. Bedelê giranî ameyê dayene la Kurdî pay ra yê û seba heq û edaletî reyna meydanan de yê. No sîstem ewro tena Kurdistanê Bakurî ney Kurdistanê Rojavayî zî hedef gêno. Her kes zano ke Birêz Ocalan, seba haştîya Rojhelatê Mîyanênî aqilêk o, mamostayêk o û adresa çareserîye yo. Ma wazenê wa Birêz Ocalan biraso azadîya xo.”
Dewamê qiseykerdişê xo de Turkî va, “Ewro zîndanan de girewteyî seba azadîya Birêz Ocalanî kewtê grevê vêşanîye. Ma hetê înan de yê û ma çalakîya înan selam kenê. Ma timûtim seba erjanê şarî xo ver da. Bi şerî kesêk netîce nêgirewta. Ewro vera neheqî, bêhiqûqî û tecrîdî nê çalakîyî yenê kerdene.”
Qiseykerdişê Ahmet Turkî ra dima, bi nameyê Înîsîyatîfê Bibe Vengê Haştîye rojnameger Rêdur Dîjleyî qisey kerd û dîyar kerd ke do heta azadîye no xoverdayîş bêro ramitene. MA / MÊRDÎN