Amed do hetê meclîsanê şarî ra bêro îdarekerdene’

• Namzetanê Beledîyeya Bajarê Pîlî ya Amedî yê DEM Partî dîyar kerd ke beledîyeyî do destê qeyûman ra bêrê girewtene.

AZAD ALTAY / AMED
31ê Adare de do weçînayîşê herêmî bêrê viraştene. Namzetanê DEM Partî yê Amedî Serra Bucake û Dogan Hatunî behsê projeyanê xo kerd. Înan bale ante meclîsanê şarî ser o. Serra Bucake dîyar kerd ke do meclîsê mehla û dwan do bêrê ronayene û beledîya do bi şarî reyde bêra îdarekerdene. Dogan Hatunî va, “Ganî ziwanê nê bajarî bêro vurnayene. Kurdkî hema vaje bazar de nîna gurînayene. No kulturê ma zî zeîf keno. Kungkerdoxî û fuhuş zî problemanê pîlan ra yê. Ganî sere de vera nê probleman xoverdayîş bêro dayene.”
 
‘Ma do zanist û teknîkî esas bigerê’
Hatunî dîyar kerd ke ê do afatanê sey erdlerzî de zanist û teknîkî esas bigerê û va, “Bajaro ke zanist û teknîkî esas bigero afatan rê beno hedre. Ma do rantî ra dûrî vinderê. Ma do şarê xo reyde bi hişmendîya tarîx û kulturê xo pîya bajarê xo îdare bikerê.”
 
‘Ma do pêro pîya îdare bikerê’
 Serra Bucake va, “Amed do hetê Amedijan ra bêro îdaekerdene. Meclîsî do polîtîkayanê beledîya dîyar bikerê. Taybetîyê kulturî yê bajarî do vejîyê ver.Raya  çareserîya meseleya Kurdan Amed ra vîyarena. Raya demokrasî tîya ra vîyarena. Ma ganî bin ê meclîsanê xo bibê nimune. Amed do hetê nê meclîsanê şarî ra bêro îdarekerdene.” MA