- Endamanê Delegasyonê Mîyanneteweyî yê Vera Tecrîdî va, “Ma derheqê dosyayê ke hetê awuqatanê Ocalanî ra ameyê dîyayene de CPT ra cewab pawenê.”
Heyetê Delegasyonê Mîyanneteweyî yê Vera Tecrîdî zîyaretanê xo ra dima eşkerayîye kerde. Eşkerayîye, awanîya DEM Partî ya Îstanbûlî de ameye kerdene. Ame vatene ke, “Ma sey parlamenteranê Ewrûpayî û temsîlkaranê partîyan awiqatanê Abdullah Ocalanî de, ÎHD, OHD, HDK û dayîkanê Kurdan de bîyê şinasî. No seba ma rûmetêk bi. Ma seba parekerdişanê înan, înan rê zaf sipas kenê.”
‘Ma CPT ra cewab wazenê’
Dewamê eşkerayîye de ame vatene ke, “Seba çareserîya demokratîke ganî Abdullah Ocalan bêro veradayene. Ma do agêrê welatanê xo û Parlamentoya Ewrûpa û sazîyanê mîyanneteweyîyan de hîna aktîf bixebitîyê. Ma do mesele bifînê rojdemê raya pêroyîye ya mîyanneteweyî. Ma do hukmatanê xo hişyar bikerê. Ganî komelo mîyanneteweyî Tirkîya hişyar bikero ke berpirsîyarîya xo biyara ca. Ma derheqê dosyayanê ke awutanê Ocalanî dayê CPTyî cewab pawenê. Ma CPTyî ra pawenê ke seba vergirewtişê îşkence û muameleyê xirabî ganî rolêko raştikîn bigero xo ser.” MA / ÎSTANBÛL
