- Platformê Paştîdayîş û Pawitişê Bajarî yê Amedî do derheqê çareserîya meseleya Kurdan de 24ê Sibate de konferans bivirazo.
Meseleya Kurdan de polîtîkaya çaresernêkerdişî yena ramitene. Seba ke metodê çareserîye yê meseleya Kurdan bêrê nîqaşkene hetê Platformê Paştîdayîş û Pawitişê Bajarî yê Amedî ra do konfesanfêk bêro viraştene. Konferansî de do pêşnîyazê çareserîye bêrê parekerdene.
Temsîlkarê sazîyanê komelê sivîlî do konfesansî de bêrê têhet û konferans do 24ê Sibate de Mîtannî Hotelî de saete 12.00 de bêro viraştene.
Sîlayînameyê konferansî de nê çîyî ameyê vatene:
“Problemê ke çaresernêkerdişê meseleya Kurdan ver peyda bîyê bi pîlbîyayîşî dewam kenê. Nêçareserîya meseleya Kurdan ver waranê hiqûq, demokrasî, heqanê merdiman û ekonomî de problemî pîl benê. Herinda çareserîya demokratîke de şuxilnayîşê şîdetî komelî de qisawetan peyda keno.
Ma sey Platformê Paştîdayîş û Pawitişê Bajarî yê Amedî wazenê temsîlkaranê sazîyan reyde bêrê têhet û derheqê çareserîya meseleya Kurdan de peşnîyazanê xo pare bikerê. Ma na mesele zaf muhîm vînenê û eynî wext de na berpirsîyarîya ma ya tarîxî ya.
Bi na hişmendîya berpirsîyarîye ma şima silaynenê ke şima 24ê Sibate de bibê beşdarê konfesanfê ma yê Amedî. Seba beşdarîya şima, ma nika ra şima rê sipas kenê.” MA / AMED
