Amerîkaya Latîne de Rojê Fîlmanê Kurdan

EROL POLAT / ANF / LA PAZ

Hetê komanê destegîran ê şarê Kurdî ra, Amerîkaya Latîne de Rojê Fîlmanê Kurdan ameyê organîzekerdiş.

8 fîlmê ke hetê Komîna Fîlm a Rojavayî ra ameyê hedrekerdiş (Evîn Di Rûyê Qirkirinê De, Darên bi tenê, Mal, Piştî şer, Ji Bo Azadîye, Sîka Çîya yê Kurmênc, Berfin, Dema Drîreşkan) bi cêrnuşteyan welatanê Amerîkaya Latîne de yenê ramojnayene. Fîlmî do heta peynîye serre bêrê ramojnayene.

Rojê Fîlmanê Kurdan, hetê komanê destegîran ê şarê Kurdî ra ameyê organîzekerdiş. Çalakîyê Rojê Fîlmanê Kurdan qitaye de reya verêne yenê viraştene la reyna zî nînan rê eleqeyo pîl ame ramojnayene. Fîlmî hîna zêde merkezanê dezgeyan de yenê ramojnayîş. Heta nika Meksîka, Şilî, Bolîvya û Paraguay de fîlmî ameyê ramojnayene.

Paytextê Bolîvya Laz Paz de 5 cayan de 8 fîlmî zî ameyê ramojnayene. Romojnayîşan ra dima 2 cîldê pawitişê Rayberê Şarê Kurdî Abdullah Ocalanî ameyê daşinasnayene. Her bername ra dima zî Xoverdayîşê Azadîye yê Kurdistanî ser o muşewreyî ameyê kerdene.

Amerîkaya Latîne de sînamaya Kurdan zaf nîna şinasnayîş. Ekîba ke Bolîvya de çalakîyî organîze kerdê dîyar kerd ke, ê do seba daşinasyişê Kurdan û sînemaya înan xebatan bikerê û rojnameyan û kovaran rê nuşteyanê analîzî binusê.