Muracatê Festîvalê Belgefîlman ê Fîlmamedî dest pêkerdê

Festîval do emser mabênê 27ê Êlule-1ê Teşrîna Verêne de bêro viraştene.

Festîvalê Belgefîlman ê Fîlmamedî hetê Komeleya Akademîya Sînema ya Rojhelatê Mîyanênî ra yeno viraştene. Festîval do emser reya 8ine bêro viraştene. Hetê komeleye ra ame dîrakerdiş ke muracatî dest pêkerdê û do mabênê 3-31ê Temûze de bêrê kerdene.

Berhemê ke 2020î ra dima ancîyayê do qebûl bibê

Malumatê komeleye de ame vatiş ke, “Ma vînenê ke festîvalê pîlî belgefîlmanê başan ê ke problemanê serekeyan ser o yenê viraştene nêgenê bernameyanê xo. Festîvalê ma de do belgefîlmê ke ameyê sansurkerdiş û firsendê ramojnayîşî nêdîyo do bêrê ramojnayene. Ma festîvalê xo do emser reya 8ine bivirazê. Berhemê ke 2020î ra dima ameyê viraştene do bêrê qebûlkerdiş.”

Muracatî do 31ê Temûze de biqedîyê

Festîval do emser mabênê 27ê Êlule-1ê Teşrîna Verêne de bêro viraştene. Muracatî do heta 31ê Temûze do adresê  filmamed.ortadogusinema.comî ser a bi qeydeyê onlineyî bêrê viraştene.

MA / AMED