Fîlmê ‘Kobanê’ do 10 bajaranê Ewrûpayî de bêro ramojnayene

Fîlmê ‘Kobanê’ yo ke hetê Komîna Fîlmî ya Rojavayî ra ameyo hedrekerdiş do 9 bajaranê Elmanya û bajarêkî Fransayî de bikewo vîzyon.

Fîlmê ‘Kobanê’ yo ke hetê Komîna Fîlmî ya Rojavayî ra ameyo hedrekerdiş, vizêr paytextê Elmanya Berlîn de Ewyana Roza Luksemgurge de ame ramojnayene. Xeylê kesî ramojnayîşî de ameyê têhet.

Fîlm do bajaranê Elmanyayî yê Dresden, Kiel, Koln, Mannheim, Essen, Saarbrucken, Bochum û Leverkusenî de û bajarê Fransayî yê Marsilyayî de bikewo vîzyon.

Wexto ke DAÎŞ eştibi Kobanîyî ser, şaranê Kobanîyî xo ver dabî û Kobanî destê DAÎŞî ra amebi xelisnayene. No fîlm behsê nê xoverdayîşî keno.

Derhênera fîlmî Ozlem Yaşare dîyar kerd ke, romanê Medya Doze seba nê fîlmî ci rê bîyo îlham.

Dergîya fîlmî 2 saete û 30 deqîqe ya û fîlm cîya-cîya cayanê Kobanî de ameyo antene.

Fîlm reya verêne Merkezê Kultur û Hunerî yê Baqî Xidoyî yê Kobanîyî de  7 rojî ame ramojnayene. Dima fîlm Reqa, Tebqa, Qamişlo, Rimêlan û Hesekêyî de zî amebi ramojnayene.

MERKEZÊ XEBERAN