Derhêner Mensûr Kerîmîyan ame definkerdene

Cinazaya derhêner Mensûr Kerîmîyan o ke hêrişa Tirkîya de cuya xo vîndî kerde Silêmanîye de ameye definkerdene.

Derhênero Kurd Mensûr Kerîmîyanî, 26ê Kanûne de Rojava de hêrişa Tirkîya ver cuya xo vîndî kerde. Keyeyê ey waşt ke cinazaya ci berê Sinê la rejîmê Îranî nêverda cinazaya ci Sinê de bêra definkerdene. 

Keyeyê ey qerar da ke cinazaya ci Silêmanîye de defin bikerê. Vîzêrî cinazaya Kerîmîyanî Silêmanîye bi merasîmêk ameye definkerdene. Merasîmê definkerdişî bi payravindertişê hurmetî dest pêkerd.

Şêrko Heme Emînî bi nameyê KNKyî mesajêk wend. Mesajî de nê çîyî ameyê vatene: “Ma keyeyê şehîdî û şarê xo rê sereweşîye wazenê. Şehadetê Ketrîmîyanî ramojneno ke, qederê pêro Kurdan eynî yo. Rojhelatî de ame dinya, Rojava de şehîd kewt, Başûr de ame definkerdene.”

MERKEZÊ XEBERAN