Aydemîr: Çewlîg de ganî banê zixmî bêrê viraştene

yekşem 21 hezîranê 2020 - 10:57

  • Parlamenterê HDPyî yê Çewlîgî Erdal Aydemîr vat: ''Seba ke Çewlîg herêma erdlerzî ya ganî banê zixmî bêrê viraştene ke şar qesawetê ganî û tersê mergî ra bixelisîyo.''

Goreyê donayenê peyênan Erdlerzê Çewlîgî de 151 awanî rijîyayî 2832 heban zî xesar dî. Parlamenterê Partîya Demokratîke ya Şaran  (HDP) yê Çewlîgî Erdal Aydemîrî ke badê erdlerzî hemwelatîyî zîyaret kerdî vat seba ke Çewlîg herêma erdlerzî yo ganî banê zixm bêrê viraştene

Aydemîrê ke dewanê Kanîreş û Çêrme de dewijê mexdûrê erdlerzî zîyaret kerdî ard ziwan ke hemwelatijî tewr zaf cayê medişî ra tengayî ancanê û wazenê ke banî û axurî  bêrê viraştene. Aydemîrî vist vîrî ke Çewlîg de zimistan rewe ra yeno vat: ''Tîya êlule ra serd dest pê keno û vewre varena. Coka ganî problemê mexduran cade bêrê çareserkerdene. Heme keyeyê ke rijîyayî bêrê viraştenê û teslîmê wayîranê înan bibê.''

Aydemîrî bale ante ser ke nuqtaya têhetameyîşê xeta Fayî ya erdlerzî Çewlîgî de ya û vat: ''Beno ke her hele reyna erdlerz bibo. Coka ganî banê zixmî bêrê viraştene ke şar qesawetê ganî û tersê mergî ra bixelisîyo. Şar şewe xeyman de yo û tay bajarekan de problemê rasayîşî esto. Dewa Dinarbey de di bajarekî wiverê Çemê Pêrî de yê, ûca rê resayîş çîn o. Ganî cade pird bêro viraştene.''

ANF

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.