Mexdûrê erdlerzê Çewlîgî bêçare yê

• Rixmo ke erdlerzê Çewlîgî serî ra di aşmî vîyartî meseleyê hemwelatîyan dewam kenê. Heyetêkê HDPyî mexdûrê erdlerzî zîyaret kerdî û goş na meseleyanê înan ser. Eşkera bi ke sozê ke hetê hukmatî ra dîyayî nâmeyî caardene, mexdûrê erdlerzî bêçare yê.

16ê hezîrane de Çewlîg de bi şîdetê 5.7î erd lerzîyabi û erdlerzî xeylêk hemwelatîyan ra tesîr kerdbi. Rêxistina HDPyî ya Çewlîgî sey heyetêk şîye û mexdûrê erdlerzî zîyaret kerdî û goş na meseleyanê înan ser. Heyetê HDPyî de Wekîlê HDPyî yê Çewlîgî Erdal Aydemîr, hemserekê HDPyî yê Çewlîgî, endam û encumenê partîyî bîyî.

Erdlerzî ra dima wezîr û wekîlan verê kamerayan de xeylêk sozî dabî mezdûranê erdlerzan la sozê xo nêardî ca. Mexdûranê erdlerzan Heyetê HDPyî rê vat ke meseleyê înan çareser nêbîyî, konteynir û xeymî goreyê şertanê hîjyen û weşîye nîyê. 

Meseleyê erdlerzan wina yê:

-Eşkera nîyo ke awanîyê ke texrîb bîyî key virazîyenê

-Selahîyetdaran mexdûran rê senetê vengî dayî îmzakerdene û derheqê projeyan de zanayîşêk nêda.

-Tay konteyniran de hema zî ceyran çin o.

-Herême de çimeyo verên ê debarî heywankarî ya la axurê mexdûran hema zî nêvirazîyayî.

Mexdûrê erdlerzî M.A. nêrazîbîyayîşê xo wina ard ziwan: ''Erdlerzî ra dima wezîran tîya de şow kerd! Ma zimistan de senî nê konteyniran de manenê? Dewlete verî vat ê do axurê ma bivirazê la dima zî vat ê do têna pere bidê ma. Pê ê pereyî zî ma nêeşkenê bingeyê axuran virazê. Înanê ke ameyî tîya, şow kerd nika her çîyî xo vîrî ra kerdî.''

Heyetê HDPyî dima de paketê hetkarîye vila kerdî qeza ra şi.