Batîzmê Êzidîyan: Çerxê wextî

Nûçeyên Komel û Cuye

sêşem 4 Çileyê 2022 - 22:53

  • Serra newîye, Şengal de bi pîrozkerdişê Roşanê Batîzmî ameye pîrozkerdene. Batîzm seba Êzidîyan yeno manaya oxirkerdişê serra vîyartî û xêrameyîşê serra newîye.

Bawerîya Êzidîyan gore, kaînat 7 rojan de awan bîyo û Êzidîyî Roşanê Batîzmî de nê 7 rojan de bi tewir-tewir rîtuelan roşanê xo vîyarnenê. Êzidîyî dest pêkerdişê wextî sey roşanê Batîzmî fam kenê. Êzidxanî de no roşan, roşano tewr pîroz û derg yeno hesibnayîş. Organîzekerdişê Roşanê Batîzmî ra eşîra Çelka mesuldar a. Na eşîre sey wayîrê keyeyî yena vînayîş.

‘Çilegir’î roje tepişenê

Zimistan ke serra newî ra 25 rojî girewt, bawermendî roje genê û çewres rojî roje genê. Êyê ke roje genê înan ra ‘Çilegir’ yeno vajîyena. Batîzm ke dest pê kerd, pêro ferdê eşîra Çelka roje genê, no roje 2 roje û nîm dewam keno û dima qirbanî yenê kerdene. Her qirban sey 7 piranî yeno hesibnayîş û pêro qirbanî qey xatirê Pîr Arîyî yenê kerdene.

Gozêra Pîr Arîyî

Roşanê Batîzmî de hêverî sey şeklê tîje nanî pojîyenê. Goreyê bawerî Pîr Arî Kurdistanê Bakûrî de, Nisêbîn de cuwîyayo û mîrê nanê Selkayî pê gozanê gozêra Pîr Arîyî yeno mîraz kerdene. Mîr Laleş î de mîraz beno û dima nê nanê Selkayî dîyeno merdimanê eşîra Çelka. Mîrazo ke mende û gozî seba 10 serranê ameyeyan Laleşî de yenê wedartiş. Vanê no mîraz çirey nêxeripîyeno û gozêra Dewa Dirîlke bi se serran ra nat payra ya. Roşanê Batizmî de her roje nanê Selkayî pojîyenê. Selkayî gilover ê mîyanê înan de şekllê dinya de şeklêk xêz beno, dormaleyê şeklî de 4 demserrî û 12 aşmî xêz benê, her hefte bi nixtikan nişan beno, dima 365 nixtikî dormale genê û peynî de motîfê tîje vejîyeno. Mensûbê eşîra Çelka roşanî Batîzmî de 7 rojî xo nêşuwenê, kincanê xo nêşuwenê û keyeyanê xo de çîyêk nêderzenê. Êzidîyî nîya bawer kenê ke, Roşanê Batîzmî de çîyê ke ma kenê ma pawenê. Hefteyê Roşanê Batîzmî de Êzidîyî tewir-tewir kayan kaykenê û werdanê pîrozan pojenê.

MERKEZÊ XEBERAN
 

 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.