Beştaşe: Domanê Kurdan bimirê zî weş bibê zî sûcdar ê!

Erdem Akşan o 5 serrî yo ke binê wesîyîtê çawişê pisporî  de mend û cuya xo vîndî kerde ‘biqisûr’ ame dîyayene.

Qezaya Comelergî ya Geverî de çawişêko pispor bi wesayîtê xo yê taybetî da Erdem Akşan o 5 serrî ro û Akşanî cuya xo vîndî kerde. Çawişo pispor A.K.P bi şertê kontrole edlîyî ame veradayene. Akaşan zî sey ‘biqisûr o eslî’ ame dîyayene.

Bimirê zî weş bibê zî sûcdar ê

Parlamentera Partîya Çep a Keske ya Erziromî Meral Damiş Beştaşe hesabê xo yê medyaya sosyale ra va, “Vizêrî Gever de çawişêko pispor bi wesayîtê xo yê taybetî da domanêk ro û domanî cuya xo vîndî kerde. Çawişo pispor bi şertê kontrole edlîyî serbest ameyo veradayene. Doman sey biqisûrî ameyo nîşandayene. Doman seba ke merdo sûcdar hesibîyayo. Domanê Kurdî bimirê zî weş bibê zî sûcdar ê. No nêbedilîyeno…!”

MERKEZÊ XEBERAN