“Boykotkerdişê malanê Tirkan hêrîşan rê cewabo tewr baş o”

çarşem 3 tebaxê 2022 - 17:05

ŞÎNYAR BAYÎZ / NÛJINHA / SILÊMANÎYE

Kurdistanê Başûrî de welatîyan qerarê boykotkerdişê malanê Tirkan girewt. Cinîyî vanê girewtişê malanê Tirkan benê çeke gêrenê ma ser.

Kurdistanê Başûrî de şar qerarê boykotkerdişê malanê Tirkan girewt. 2019î de zî hêrîşanê Tirkîya yê Rojavayî ver Başûrî de malê Tirkan ameybî boyktkerdiş. No boykot xeylê zirar dabi ekonomîyê Tirkan. 

“Ma bi boykotkerdişî ekonomîyê Tirkîya zeîf bikerê”

Nermîn Ehmede va, “Hêrîşê Tirkîya ewro zî dewam kenê. Zaxo de turîstî ameyê qetilkerdiş. Ma ganî vera îşxalî vinderê. Ganî malê Tirkîya bêrê boykotkerdiş. Eke ma malanê Tirkan bigerê, do ekonomîyê ci xurt bibo. Nê pereyi bene çeke û vera Kurdan yenê gurînayîş. Ma ganî pêro pîya malanê Tirkan boykot bikerê. M abi nê rayîyan do vernîyê paştîdayîş zî bigerê.”

“Malê Tirkîye benê çeke”

Welatîye Sakar Ebdullahe va, “Ganî çîyêkî Tirkan Kurdistan de memano. Ma ganî malanê welatanê bînan bişuxilnê. Çimkî malê Tirkan benê çeke û Kurdan ser de yenê gurînayîş. Ganî welatîyî û berpirsîyarî bizanê ke malê Tirkîya zirar danê Kurdan. Welatîyî mecbûr manenê ke malanê Tirkan bigerê. Ganî berardişo xoser bêro awankerdiş û vernîyê berardişê xoserî bêro akerdene û welatîyî ganî wayîrê hişmendîyêk bê.”

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.