Umêd Qeredaxî: Boykot do zirarêkî pîlî bido ekonomîyê Tirkîya

în 29 tîrmehê 2022 - 16:25

BOTAN GERMÎYANÎ / ROJNEWS

Pisporê ekonomîyî Umêd Qeredaxîyî va, “Tirkîya bazarê Iraq û Başûrê Kurdistanî ra havilêka pîle gena. Eke Tirkîya boykot biba do ekonomîyê ci zirarêkî pîlî bigero.

Tirkîya 20ê Temûze de dewa Zaxoyî ya Perexî bomba kerdibî û 9 sîvîlî ameybî qetilkerdiş. Badê qetlîamî Iraq û Hukmatê Federalî yê Kurdistanî ra ame waştiş ke wa malê Tirkîya bêrê boykotkerdiş.

Derheqê meseleye de pisporê ekonomîyî akademîsyen Umêd Qeredaxîyî va, “2019î de pîlîya bazarê Iraq û Tirkîya 15.8 mîlyar dolar bi. 2020î de no resa 21 mîlyar dolarî. Bazarê Herêma Kurdistan û Iraqî havilêka pîle danê Tirkîya.”

Umêd Qeredaxîyî va, “Eke ma wazenê qetlîamê Zaxoyî ver Iraq û Herême ceza danê Tirkîya, ganî cezaya ekonomîyî bidîya Tirkîya. Ganî bi boykotkerdiş û qedexeyan asta bazarî seba Tirkîya biancîya asta tewre nimze û seba malanê Tirkîya heqê gumrikî bizêdîyê. Iraq û Herêma Kurdistanî eşkenê herinda Tirkîya de çî-mîyan welatanê bînan ra biherînê.”

Pisporê ekonomîyî Umêd Qeredaxîyî peynî de va, “Iraq û Herêma Kurdistanî eşkenê vera Tirkîya kartanê xo bişuxilnê. Eşkenê bazarê Tirkîya teng bikerê û malanê Tirkan boykot bikerê. Bazarê mabênê înan bazarêko pîl o. Eke Tirkîya bêra boykotkerdiş, do ekonomîyê ci zirarêkî pîlî bigero.”

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.