Cayanê îxşalbîyayîyan de vera Tirkîya protestoyî ameyê kerdene

Idlîb, Ezaz, Cerablûs, Marê, Rayî, Bab, Soran û Serêkanîyê de vera Tirkîya protestoyî ameyê kerdene. Protestoyan de ala Tirkîya ameye vêşnayene.

Cayanê îşxalbîyayîyan de şar vejîya kuçeyan. Idlîb, Ezaz, Cerablûs, Rayî, Marê, Bab, Soran û Serêkanîyê de vera Tirkîya protestoyî ameyê kerdene. Şarî va ‘Wa Tirkîya û Rejîm Birijîyê’.

Protestoyî badê malûmatê Wezîrê Karanê Teberî yê Tirkîya Mewlud Çawuşoglûyî ameybî viraştene. Çavuşoglûyî vatibi, ‘Ma ganî muhalîfan û rejîmî pîya biyarê’.

Badê nê vateyan şar vejîya kuçeyan û Tirkîya ameyê protestokerdiş. Goreyê malûmatanê Dezgeyê Heqanê Merdiman ê Sûrîyeyî, cayanê îşxalbîyayîyan de hetê şarî ra ala Tirkan ameyê vêşnayîş û şarî va ganî ala Tirkan her ca ra bêra ware.

Konvoyê Tirkan hetê şarî ra ame astengkerdiş û şarî dêsan ser o nuşt ‘Wa Birijîyê Tirkîya û Rejîm’. Goreyê malûmatan, Ezazî de eskeranê Tirkan guleyî varnayê şarî ser û domanêk ameyo qetilkerdiş. Hêrsê şarî vera Tirkîya nênişeno û reyna goreyê malûmatan do çalakîyê protestoyî do dewam bikerê.

MERKEZÊ XEBERAN