Nobeta Edaletî Êlih de zî dîyaye dest pêkerdene.
Çalakîyê Nobetê Edaletî dewam kenê û hîra benê. Êlih de zî Nobeta Edaletî dîyaye dest pêkerdene. Verê çalakîye eşkerayîye ameye kerdene. Endamê Înîsîyatîfê 78îyan Omer Kurtî va, “Demêko derg ra nata Birêz Ocalanî ser de tecrîdêk yeno ramitene. Hepisxaneyan de heqê girewteyan yenê binpaykerdene. Nê kerdenî raya pêroyîya demokratîke de qisawetan peyda kenê û nê kerdenî zirar danê haştîya komelkî. Seba ke ma bale biancê nînan ser, ma tîya de zî Nobeta Edaletî danê dest pêkerdene.”
Kurtî va, “Sere de seba wedarnayîşê tecrîdê Îmraliyî û yê hepisxaneyanê bînan ganî her kes vengê xo berz bikero. Ganî her kes wayîrê haştîye û demokrasîyî bivejîyo.”
Endama Meclîsê Dayîkanê Haştîye Sultan Azboy bale ante polîtîkayanê zulim û tedayan ser o û raya pêroyîye rê gazîye kerde ke wa her kes vengê xo berz bikero. Qiseykerdişan ra dima girse derbazê awanîya DBPyî û Nobeta Edaletî dest pêkerde. (MA / ÊLIH)
