Festîvalê Govendanê Kurdistanî, emser reya 34ine Hannover de ame viraştene.
Festîvalê Govendanê Kurdistanî, emser bajarê Hannoverî yê Almanya de reya 34ine ame viraştene. 23 komê govende bîyê beşdarê festîvalî.
Endamê komîteyê viraştişî yê festîvalî Welî Botîyî va, “Festîval, musabeqa ra zîyader şayîya kulturî ya. Nê ciwanî zerrîyanê ma de yewin ê.”
Xelata yewinîye dîyaye Koma Şîyare
Koman heta şan govende girewte û hetê jurî ra ameyê erjnayene. Koma Şîyare, bi kayanê mintiqaya Wêranşarî bîye yewine, Koma Evîna Welat, bi kayanê Bedlîsî bîye dîyine û Koma Laleş zî xelata hîrêyine girewte.
Xelata jurîye dîyaye Koma Faraşîn û Koma Şehîd Delîl Çîyager. Xelata kostumî dîyaye Koma Evîna Welatî. Xelata cigêrayîşî zî dîyaye Koma Kulîlkên Welatî.
NAVENDA NÛÇEYAN