Şerê Îsraîl-Hamasî roja xo 7ine de dewam kerd. Îsraîlî şewe bi seyan reyî hêrişê Xeze kerd û hişyarîye daye ke wa sîvîlî vakurê Gazze ra bivejîyê.
Îsraîlî hişyarîye daye ke wa sîvîlê vakurê Xeze mîyanê 24 saetan de ver bi başûrî şorê.
Rêxistina Çimdarîya Heqanê Merdiman (HRW) Îsraîl sûcdar kerd ke operasyonan de fosforo sipî şuxilnayo.
Roja 7. ya şerê Îsraîl û Hamasî de Îsraîlî hişyarîye daye ke wa sîvîlê vakurê Gazze mîyanê 24 saetan de ver bi başûrî şorê. Vervatoxê Sekreterîya Pêroyî ya NYyî waşt ke no ferman bêro betalkerdene. Artêşa Îsraîlî eşkerayîya xo de pare kerd ke heta fermanê înan ê diyînî wa çew anêgêro Gazze. Hamasî vera ney seferberîye îlan kerde.
Goreyê doneyanê peyênan şer de tewr tay hezar û di se îsraîlijan û hezar û çar se filîstînijan dinyaya xo bedilnaya.
Serekwezîrê Îsraîlî Benjamîn Netanyahuyî dîyar kerd ke Hamas do sey DAÎŞî bêro pelçiqnayene.
Beno ke Îsraîl erdî ra zî hêrişê Xeze bikero.
XWEBÛN
