Meclîsê Heqanê Merdiman ê NYyî de seba Efrînî waştişê cigêrayîşê ecîlî

Temsîlkarê Îdareyê Xoserî yê Lubnanî Ebdulsalam Ehmedî waşt ke wa derheqê sûcanê Tirkîya yê Efrînî de cigêrayîşo ecîl bêro kerdene.

Temsîlkarê Îdareyê Xoserî yê Lubnanî Ebdulsalam Ehmedî, kombîyayîşê Meclîsê Heqanê Merdiman ê NYyî rê mesajêk erşawit û behsê sûcanê Tirkîya yê Efrînî de kena kerdê.

Mesajê xo de Ebdulsalam Ehmedî nê çîyî vatê: “Dewleta Tirke û komê cihadkarî 2018î ra nat bajarê Kurdan Efrînî de sûcanê giranan kenê. Bajar ame bombakaerdiş, sivîlî ameyê remnayene, ameyê qetilerdiş û mecbûrê koçkerdişî bîyê. Tirkîya demografîyê Efrînî bedilnena û hêrîşê cayanê pîrozan ê Êzidîyan kena. Xeylê sivîlî ameyê girewtene û raştê îşkenceyan ameyê. Cinîyan rê hêrişî bîyê, zeytunêrî ameyê birnayene û veşnayene. Bi destê komeleyanê cîhadkaranê Tundrawî mintiqa kolonîze bîye.

500 hezar merdiman keyeyê xo terikna

Netîceyanê nê sûcan de Kurdê Efrînî cayê xo bîyê. 500 hezar ra zêder merdiman keyeyê xo terikna. Qismê înan şi kampa Şehba û ê bînî remayê welatanê bînan. Xuta Şerqiye, Humus û Hem ara merdimi ardê û Efrîn de ca kerdê. Nê sûcî bi destûrê Tirkîya yenê kerdene û peymanê mîyannetewîyî yenê binpaykerdene.

“Wa derheqê Tirkîya de cigêrayîş bêra akerdene’

Ma wazenê; wa hetê Meclîsê Heqanê Merdiman ê NYyî û sazîyanê têkildaran ra derheqê nê sûcan de cigêrayîşêko ecîl bidîyo dest pêkerdene, sivîlî bêrê pawitene û Tirkîya rê teda bêra kerdena ke wa erdê Sûrîyeyî ra bivejîya.”

YENÎ YAŞAM