Ciwananê portekîzijan vera herimnayîşê îklîmî dewa akerde

Her serre atmosfere dinya zêdêr yeno herimnayene. Bitaybetî vera germîye û zêdîyayîşê emîsyonan peygoşîye est a. Ciwananê portekîzijan vera peygoşîye dewa akerde.

Portekîz ra 6 ciwanan vera hukmatanê 32 welatan dewaya îklîmî akerde.

6 ciwananê portekîzijan vera polîtîkayanê vurîyayîşê îklîmî Mehkemeya Heqanê Merdiman a Ewropa (MHME) rê gerreyê hukmatanê 32 welatan kerd. Dewa do salona MHME ya pîle de, roja çarşemeyî Strasbourg de dest pêbikero.

Şeş ciwananê portekîzijan dîyar kerd ke polîtîkayê peygoşî yê vera germîye benê sebebê binpaykerdişê heqanê merdiman coka înan vera hukmatanê 32 welatan dewa akerda.

Avûkatanê şeş ciwanan pare kerd ke seba ke hukmatî seba kêmînayîşê emîsyonî bi lezî tênêgêrenê heqê merdiman yenê binpaykerdene.

Roniştişê dewa temamîya roje do dewam bikera.

Ciwanan da zanayene ke netîceya şewato ke 2017 de, Leiria de qewimîyayo de 66 kesî merdê û qasê 20 hezar hektar daristanî vêşayî û nê şewatî kerd ke ê na dewa abikerê.

XWEBÛN