Hêzanê PDKyî hêrişê mewzîyanê HPGyî kerd

Çekdarê PDKyî vizêrî bi 200 wesayîtanê zirxinan şîbî Sîdekan û no şewdir zî hetê nînan ra mewzîyanê HPGyî rê hêrişe ameya kerdene.

Goreyê xebera ANFyî Çekdarê PDKyî vizêrî şan bi 200 wesayîtanê zirxinan, panzer û tankan derbazê qezaya Sidekanî ya mintiqaya Biradostî bîyê. 

Çimeyanê mintiqa dîyar kerd ke no şewdir saete 04.30î de hetê nê çekdaran ra Gewriya Zînê ya qada Goşînê de mewzîyanê HPGyî rê hêrişe ameya kerdene.

Naye ser o hetê HPGyîjan ra cewab ame dayene û şer vejîya. Ame dîyarkerdiş ke mintiqa de hema zî alozîyêke dewam kena.

MERKEZÊ XEBERAN