Îttîqaqê Kurdistanîyî ra DBP rê zîyaretê paştîdayîşî

• Hetê Îttîfaqê Kurdistanîyî û şerîkanê ci ra DBP rê zîyaretê paştîdayîşî ame kerdene.

Îttîfaqê Kurdistanîyî û şerîkanê ci ra DBP rê zîyaretê paştîdayîşî ame kerdene. Seba ke Hemserekê Pêroyî yê DBPyî Keskîn Bayindir û Hemserekê DBPyî yê Dîyarbekirî ameybî girewtene, zîyaretê paştîdayîşî ame kerdene. Zîyaretê paştîdayîşî de Serekê Pêroyî yê Partîya Komînîst a Kurdistanî Sînan ÇîftYurek, Hemserekê Pêroyî yê T-PDKyî Mehmet Emîn Kardaş, Hemserekê Pêroyî yê Partîya Azadîye Ayetullah Aşitî, Verfekê DDKOyî Abdulhey Okumuş, îdarekarê PÎAyî, Hemsereka Pêroyî yê DBPyî Saliha Aydenîz û Hemserekê DTKyî Berdan Ozturk ameyê têhet.

‘Hêrîşe vera Kurdan ameya kerdene’

Serekê Pêroyî yê PArtîya Komunîst a Kurdistanî Sînan Çîftyurekî va, “Xeylê kesî gêrîyayê binê çimî û Bayindir û Altun ameyê girewtene. Sebebê nînan esto. Îqtîdarê AKP û MHPyî  wazeno teda û hêrîşan bizêdno û weçînitişî qezenc bikero. La nê kerdenî bêfeyde yê.” Dima Serekê Pêroyî yê PDK-Tyî Mehmet Emîn Kardaşî dîyar kerd ke, hêrîşî vera pêro Kurdan yenê kerdene û ganî vera hêrîşan pêro Kurdî bibê yew û pîya xo ver bidê.

‘Hêrîşanê vera Kurdan de sînorî çin ê’

Hemsereka Pêroyî yê DBPyî Salîha Aydenîze seba zîyaretî mêmanan rê sipas kerd û va, “Vera nê hêrîşan yewîtîye zaf muhîm a. Mas ey DBPyî sîyasetê xo mîyanê şarî de û partîyanê Kurdan reyde ramenê. Hêrîşkarî faşîzm raf am kenê. Wa bizanê ke peynîya sîyasetê înan ê se serrî ameya. Seba ke nê zanenê hêrîşanê xo ramnenê. Hêrîşî bi operasyonanê sîyasî û eskerîyan, bi kîmyewîyan, bi kiştiş û koçkerdişî dewam kenê. Hêrîşî bi çar leteyî sînorkerde nîyê. Ewrûpa de zî vera destvisteyanê Kurdan hêrîşî yenê kerdene. Qetlîamê Parîsî de 3 Kurdî ameyê qetilkerdiş. Vera Kurdan qetlîamî nêqedîyenê. Ma ganî vera nê Kurdan xo ver bidê. Coka yewîtîya şarê Kurdî zaf muhîm a. Pêro pîya xoverdayîş zaf muhîm o.”

MA / AMED