- Hemsereka MEBYA-DERî ya Şirnexî Esmer Çikmaze va, “Çilaya înan rayîrê ma roşn kena.”
Qezaya Cizîrî ya Şirnexî de, kesê ke 2015î de bodrûmanan de ameyê qetilkerdiş ameyê yadkerdene. Perrê Rayîrşîyayîşê Azadîye yê Wanî zî bi beşdarê yadkerdişî. Dadîya Mehmet Tunçî Esmer Tunçe, dayîkê bînî û xeylê kesî bîyê beşdarê yadkerdişî.
‘Rayîrê ma roşn kenê’
Payravindertişê hurmetî ra dima Hemsereka MEBYA-DERî ya Şirnexî Esmer Çikmaz a ke 2 domanê aye o wext merdê qisey kerd û va, “Ser ra 9 serrî ney 900 serrî zî bivîyarê ma sey roja verêne dej ancenê. La ma soz dayo înan. Ma do xoverdayîşê înan erd o meverdê. Çilaya înan rayîrê ma roşn kena. Zerra nê dayîkan zî sey zerra mi veyşena. Ma dayîkê girewteyam ê û ma nê tecrîdî şermezar kenê.”
Verfeka DEM Partî Ayşegul Dogane zî qisey kerd û va, “Çend serrî vîyarenê wa bivîyarê, no qetlîam vîr ra nêşino. Bi seyan serrî yo bajaranê ma talan kenê, wazenê komelê ma çin bikerê. Ganî şarê ma vera înan haydar bo. Ma do tecrîdî bişiknê, beranê Îmraliyî akerê û vengê Birêz Ocalanî bieşnawê. Hes nêşkeno verê dayîkan bigêro. Şima zî dî ke çiqas şima ra tersenê. Ma hêzdar ê û ma do birasê muradê xo.” MA / ŞIRNEX
