Keyeyê Gulîstan Dokuye verê Wezaretîya Edeletî de gêrîya binê çimî

Guîstan Doku tewr peynî Dêrsim de ameye dîyayene û a roje ra nate, 872 rojî yo ke ci ra xebere çina. Keyeyê Gulîstan Dokuye verê Wezaretîya Edeletî de bi zorî gêrîya binê çimî. Badê kontrolanê sihetî ra dadî, babî û waya aye ameyê veradayîş.

Babîyê aye Halît Doku, maya ci Bedrîye Doku û waya ci Aygul Doku waşt Wezaretîya Edeletî ra randewuyêk bigerê û no semed ra şîyê verê bere Wezaretîya Edeletî. Ê tîya de ameyê astengkerdiş û hetê polîsan ra gêrîyayê binê çimî. 

‘Ma raştê neheqîyêka pîle yenê’

Derheqê meseleye de wekîla Serektîya Grûba Hdpyî ya Meral Daniş Beştaşe va, “Keyeyê Gulîstane tena çîyêk waştêne. Ma wazenê bizanê ke keynaya ma ha ça de? Ma do derheqê meseleye de xebatêk bidê vere xo. Ma grûbanê b3ina ra zî vanê na meseleye de wa wayîrê wîjdanî bê. Ê edelet wazenê la raştê neheqîyêka pîle yenê. Awiqatê ma nika verê înan de yê. Persa ‘Gulîstan Doku ha ça de’ her roje yena goşanê ma. Ez grûbanê bînan ra zî vava ke bêrê m ana meseleye ser vengê xo berz bikerê.” Keyeyê Dokuye badê kontrolanê sihetî ameyê veradayîş. Waya Gulîstane Aygul Doku va, “Ma ameyê veradayîş û ma nika reyna şînî vernîya Wezaretîya Edeletî.”

ENQERA