Kovara Herd 3 hûmarî vejîyaya 

• Kovara dîjîtale ya ke Kirmanckî û Kurmancî Herd, Nîsana 2021î ra nat 3 hûmarî vejîyaya.

Kovara dîjîtale ya ke Kirmanckî û Kurmancî Herd, Nîsana 2021î ra nat 3 hûmarî vejîyaya.

Kovara Herdî, heşt aşman ra nat vejîyena û heta ewro hîrê hûmarê xo bi şeklê dîjîtalî weşanîyayê. Kovare Kirmanckî û Kurmancî b idi lehçeyan vejîyena. Heta ewro Kurdistanê Bakûrî de kovara nîyanîne nêvejîyaybî. Kovara Herdî nîmeyê xo Kirmanckî, nîmeyê xo Kurmancî ya. Berhemê ke kovare de weşanîyenê, hîna zêde şîîrî û hîkaye yê û nînan ra teber şîîr û hîkayeyê açarnayeyî zî kovare de ca genê. 

Meqsed rasayîşê nuştoxanê ciwanan o

Lijneyê kovare xo sey dest pêkerdoxan vînenê û vanê ke, ma wazenê nuştoşê Kirmanc û Kurmancê ke firset nêvînenê berhemanê xo cayêk de biweşanê ma wazenê xo birasnê nê xort û ciwanan. Reyna lijneyê kovare wazenê ke demek ra dima nuştoxê ciwanî wa giranîya xo bidê kovare ser û wa Kovara Herdî edebîyatê kurdkî yê nuştekî rê bibo çimeyêko newe. Kovare heta ewro hîrê hûmarî vejîyaya û mîyanê di hefteyan de do humara xo ya çarine zî bivejîyo.

MERKEZÊ XEBERAN