Hûmara 5ine ya Bultenê Tecrîdî vejîyaye

‘Tecrît Bultenî’ yo ke hetê OHDyî ra yeno hedrekerdene 15 rojan de reyêk vejîyeno. Hûmara 5ine ya bultenî bi Kurmanckî vejîyaye.

‘Tecrît Bultenî’ yo ke hetê OHDyî ra yeno hedrekerdene û 15 rojan de reyêk vejîyeno bi hûmara xo ya 5ine vejîya. Na hûmara bultenî bi Kurmanckî vejîyaye. Bin ê bultenî derheqê tecrîdî de malumatî yenê dayene. 

Na hûmare de ameyo dîyarkerdiş ke hetê OHDyî ra pêro şaxanê ci de Koordînasyonê Teqîbkerdişî yê Grevê Vêşanîye ameyê awankerdene. Koordînasyonî derheqê greve vêşanîye de raporan hedre kenê û înan eşkera kenê. Hûmare de ameyo dîyarkerdiş ke grevê vêşanîye ra dima Amed, Mersîn, Adana, Wan, Izmîr û Îstanbûl de Nobetê Edaletî dîyayê dest pêkerdene.

Zîyaretê CPTyî

Na hûmara bultenî de ameyo dîyarkerdiş ke 1999î ra nata hetê CPTyî ra Îmrali rê 25 zîyaretî ameyê kerdene. 3 zîyaretan de şert û rewşa Îmraliyî ser o erjnayîşî ameyê kerdene. Raporanê CPTyî de bale ancîyaya tecrîd û binpaykerdişê heqan ser o. Ameyo dîyarkerdiş ke Tirkîya pêşnîyazê CPTyî peygoş kerdê.

MA / AMED