Muraceatê Xelatê Rojnamegerî yê Mûsa Anterî dest pêbîyê

Xelatî do emser reya 29ine bêrê dayene û 18ê Êlule de zî bêrê eşkerakerdene.

Xelatê Rojnamegerî yê Şehîdanê Çapemenîya Azade û Mûsa Anterî do emser reya 29.ine bêrê dayene. Musabeqa hetê rojnameyê Yenî Yaşamî ra yeno viraştene. Ziwanê xeberan do Kurdkî û Tirkî bo. Xelatî do 5 beşan de bêrê dayene. Nê kategorîyî; ‘Xebera Kurdkî’, ‘Xebera Tirkî’, ‘Forografê Xebere’, ‘Karîkatur’ û bi yadkerdişê Gurbetellî Ersozî ‘Xeberkarîya Cinîyan’ ê.

Şertê beşdarbîyayîşî

Şertê Musabeqaye wina yê:

*Kesê ke wayîyê şertanê şartnameyê musabeqa yê eşkenê beşdarê musabeqa bibê.
*Endamê kûrûla weçînitî(eke a serre jurî bê) û xebatkarê Yenî Yaşamî nêşkenê beşdarê musabeqa bibê.
*Berhemê musabeqa ganî yan verê cû cayêk de meweşanîyê yan zî eke 10ê Êlule 2021î ra dima ameyê weşanayîş qebûl bene.
*Beşdarî nêşkenê bi berhemanê xo yê xelatgirewtoxan beşdar bibê.
*Eke çîyêko winasî biqewimîyo, do xelatî betal bibê û têpîya bêrê girewtiş.
*Eke berhemê kesanê bînan bêrê jurîyan ver, no do sey îxlalî bêro erjnayîş.
*Ganî fotografî wayîrê wesfanê fotografanê xeberan bibê û ser o mudaxeleyî mebê.
*Berhemê ke erşawîyenê do bi goreyê şertnameyî bêrê qebûlkerdiş.
*Berhem eke nêameyo weşanayîş, ganî nameye ci, ca û wextê antişî, xêzkerdişî bêrê nuştiş. Eke weşanîyayo, ça de vejîyayo û malûmatê bînî zî ganî zereyê dosya de ca bigerê. Beşdarî ganî xo bidê şinasnayîş(CV), adresanê xo binusê, derheqê berhemê xo de malûmatan bidê û fotografêkî xo zî tede înan dosya de ca bikerê.

Endamê Jurîyî

Jurîyê Xebera Tirkî: Tugrul Eryılmaz, Candan Yıldız, Fatih Polat, Faruk Eren, İbrahim Varlı, Huseyin Aykol
 
Jurîyê Xebera Kurdkî: Leyla Ayaz, Kadri Esen, Suna Tunç, Beritan Zagros, Ramazan Olçen
 
Jurîyê Xeberkarîya Cinîyan: Habibe Eren, Pınar Ural, Bircan Degirmenci, Ceren Sozeri, Elif Akgul
 
Jurîyê Fotografî: Çetin Altun, Ramazan Ozturk, Ozcan Yaman, Nezahat Dogan, Refik Tekin
 
Jurîyê Karîkaturî: İmam Cici, Sefer Selvi, Aslı Alpar
 

ADRESÎ

e-posta: yeniyasamgazetesi@gmail.com
Telefon: 0 212 252 83 99 Fax: 0 212 252 83 90
Adres: Şehit Muhtar Mahallesi Bekar Sokak No: 7/3 Beyoğlu/İstanbul

MA / ÎSTANBÛL