PENa Kurde ziwanê Kurdkî ser o konferansêk da

Nûçeyên Diaspora

sêşem 14 hezîranê 2022 - 16:33

Merkezê PENa Kurde seba ke ziwanê Kurdkî Tirkîya de bibo resmî û ziwanê perwerdeyî, dest bi xebatêka hîra kerde.

Merkezê PENa Kurde derheqê rewşa Kurdkî de xebatêka hîraye da destpêkerdiş. Bi wesîleyê na xebate, Stokholmî de konferansêk ame viraştene. Sereka Komîteya Cinîyanê Nuştoxan a PENa Kurde Dilşa Yûsife mesafê PENa Kurde wend û fikrê xo bi sernameyê ‘Muhîmîya Ziwanî, Kulltur û Tarîxê Kurdan’ pêşkêş kerd. 

Zaningehê Fînlandîyayî ra Gewran Goyî bi sernameyê ‘Çerçeveyê Mîrasî de Ziwanê Kurdkî’ pêşkêşîya xo kerde.

Enstîtuya Kurdî ya Stokholmî ra Mîrhem Yigîtî bi sernameyê ‘Xebatê Enstîtuye û Ziwano Resmî’ pêşkêşîya xo kerde.

Weşanxaneyê Apecî ra Alî Çîftçîyî weşanxane û berhemê ci dayê şinasnayîş.

Komeleya Mamosteyanê Kurdkî yê Swêdî ra Azad Josef Erdemî behsê perwerdeyê ziwanê Kurdkî yê Swêdî kerd.

Heyder Diljenî kitabanê dersa Kurdkî ser o qisey kerd.

Weşanxaneyê Kurdpedî ra Hakî Baltayî behsê weşangerîye kerd.

Nuştox Firat Cewerîyî bi sernameyê ‘Zehmetîyê Nuştoxîya Kurdkî’ pêşkêşîya xo kerde.

STOKHOLM

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.