Domanê ke bibî beşdarê kursê Kurdkî yê Komeleya Arsîsayî mezûn bîyê.
Komeleya Cigêrayîşanê Ziwan Kultur û Hunerî yê Arsîsayî Wanî de xebatanê xo ramnena. Kursê Kurdkî yê domanan 3 aşman ra dima qedîya û domanî mezûn bîyê. Seba mezûnîyetê domanan, nêzdîya Qelaya Wanî de çalakîyêke ameye viraştene. Keyeyê domanan û mamosteyê Arsîsayî bîyê beşdarê çalakîye.
Mamosteyanê komeleye ra Nazmîye Bore va, “Domanê ma kursê Kurdkî ra mezûn bîyê û nika eşkenê bi Kurdkî qiseey bikerê û binusê. No seba ma zaf muhîm o. Wa her kes wayîrê ziwanê xo bivejîyo û domananê xo bierşawo kursanê Kurdkî.”
Çalakîya mezûnîyetî, bi vatişê deyîran û seyranî qedîyaye.
MA / WAN
parvê bike
Nûçeyên ku dikare bala we bikşîne
