Qeyûmî tabelaya Kurdkî wedarte

Qeyûmê Beledîyeya Bismilî tabeleya Kurdkî wedarte û herinde de tabeleya Tirkî rona. 

Qeyûmê Beledîyeya Bismilî tabeleya tabeleya Mehlaya Seletî ya “Hûn bi xêr hatin” wedarte û herinde de tabeleya Tirkî rona. 

Reyna tabeleya “Selet” û “Seleta Jêrîn” ameyê wedartene û tabeleyê bi Tirkî herinda înan de ameyê ronayene. Hemserekê Beledîyeya Bismilî Orhan Ayazî wedarnayîşê tabeleyanê Kurdkî şermezar kerd.

‘Polîtîkayê înkarî’

Ayazî dîyar kerd ke wedarnayîşê tabeleyanê Kurdkî leteyê polîtîkayanê înkarî yê û va, “Meseleya Kurdan de polîtîkayanê ewlehîye ra wet sewbîna ajandayê îqtîdarî çin o. Bi polîtîkaya qeyûman destkewteyê demokrasîyî yê sînordarî zî orte ra ameyê wedartene.”

‘Vera zîhnîyetê înkarkerdoxî do xoverdayîşê ma biramo’

Ayazî va, “Netîceya xesbkerdişê îradeyê şarî de qeyûmî ameyê tayînkerdene û kerdenê înan her ca de eynî yê. Nasnameyê, ziwanê, kulturê û erjê şarêkî raştê îmha, înkar û asîmîlasyonî ameyê û reyna zî îqtîdaro faşîst nînan ra mird nêbîyo. Ma û şarê ma kerdenanê nê memûranê xesbî bi îbret temaşe kenê. Nê kerdenê qeyûman qezaya ma Bismilî de zî dewam kenê. Vera nê zîhnîyetê înkarkerdoxî do xoverdayîşê ma dewam bikero.”

MA / AMED