Semsûr de kursê Kurdkî dest pêkerdê

MA / Mahmut ALTINTAŞ / SEMSÛR

Awanîya Ferat-Derî yo ke xebatanê ziwan û kulturî keno erdlerzê 6ê Sibate de xisar dîbi. Mabên dîbabi kursanê ziwanî û nika konteynerî de newe ra dest pê kerdê.

Komeleya Cigêrayîşanê Ziwan û Kulturî yê Feratî (Ferat-Der), 2019î ra nata Semsûr de xebatanê ziwan û kulturî ramnena. Erdlerzê 6ê Sibate ra dima mabên dîyabi xebatan û nika konternerî de kursê kurdkî yenê dayene.

10ê Kanûne de 2 astanê Kurmanckî de kursê Kurdkî dest pêkerdê. Hemserekê Frat-Derî Kazim Turhalî dîyar kerd ke muracatî dewam kenê û hûmara sinifan do bizêdîya.

Turhalî dîyar kerd ke bi 20 wendekaran kursî dest pê kerdê û va, “Verê erdlerzî xebatê ma yê sey panel û kursê ziwan û kulturî ameyenê dayene. La erdlerzî ver ma mecbûr mende ke mabên bidê xebatanê xo. Ma waşt xo rê cayêk bivînê û xebatanê xo bikerê. Çi heyf ke xeylê awanîyî rijîyayê û xeylê înasananê ma cuya xo vîndî kerde. La ma ganî payra bimendêdne û xebatanê xo biramnayêne. Ma netîceya keda xo de 2 konteynerî peyda kerdê. Man ika nê konteyneyan de hem faalîyetanê komeleye kenê hem zî kursan danê.”

‘Ziwanê şarêkî weçînite nêbeno’

Turhalî bale ante muhîmîya ziwanê dayîke ser o û va, “Ziwan, estbîyayîşê şarêkî yo. Coka, ganî şarê ma wayîrê ziwanê xo bivejîyo. Wendegehan de perwerde bi Kurdkî n3eno dayane. Kurdkî sey dersa weçînitîye yena dayene. Ziwanê şarêkî sey weçînite nêbeno. Ziwanê ma ziwanêko qedîm o. Ganî şarê ma ziwanê xo aver de bero û her wareyê cuye de bigurîyo.”